Home · Culture & Social · Customs & Traditions · Lhghuzdelhts'i 'ink'ez Lhch'ats'udulh

Dakelh Nek'u'a 'ink'ez nts'ez'a 'uts'oodedlai

Lhghuzdelhts'i 'ink'ez Lhch'ats'udulh

'Udak'ez da nts'ez'a lhghuyahudalts'ih inle, ndunah dune 'en ts'ekoo bu'ama, bu'aba 'ants'i'et hoh huba'ut'en, 'uka'ut'en 'ink'ez hubugha'ulih te 'ut'en inle. Dune 'et hiyulh nt'eownezeh dant'i ka 'ants’ih 'et huba'ut'en, ts'ekoo ka hubulh'en. Ts'ekoo bu'ama 'ink'ez bu'aba dune huyoost'it 'et k'an zeh hubuzki ghoda kahuyulh’ih. Bulutoh bu'ama 'ink'ez bu'aba bulh ts'ekoo gwa chah huyoodulhkut 'ants'ih ndan dune huyoont'i 'en highawhulhtih inle. 'Udak'ez da dune soo 'at tak'ih zeh hutet'i huba'uhoont'oh inle, 'ilhunah zeh soo yughuteda. Dune 'udooh keyoh whuz ts'ekoo ghuyahudalts'ih inle, 'et ts'ekoo bu'ama 'ink'ez bu'aba buts'un lhelhtununahudulh.