Home · Survival · Ts’udelhts’i bakoo

Ts’udelhts’i bakoo

Nelhdakelh koo duchun ‘ink’ez lhez be koo ‘uhulh’ih inle, gwa sa ‘uwhut’ih. Koo hooncha ‘uhulh’ih ‘ink’ez ndati nankoh huwhulhtsi. Ndadentan ‘i lhustel be ‘ulya ‘ink’ez bulutoh ndati yedoh huwhulhtsih, gwa ‘un whutest’en huwhulhtsih. Koo soo whuniz ‘et kwun hudelhk’un ba‘uwhuhulh’ih. Yun ‘et chundoo ‘ul huyulhtelh ‘ink’ez ‘uzuz k’ut huztez. Sdabeh hulan hulih ‘et koo hoontsolyaz ‘udooh ninahuwhu’aih. ‘Et ‘onus hoontsolyaz, ‘ants’ih duchun nankoh whelhchehunulih ‘ink’ez duchun lhai whelhchehunulih ‘ink’ez k’idlih be duchun lhunehidulhchuz ‘et hubudain koo. Lhook ka‘uhut’en ‘et chah koo hoontsolyaz ‘uhuwhulh’ih ‘i chah, dain koo ndunt’i zeh ‘uhuwhulh’ih. ’Onduk ‘et lhustel nihudulih ‘ink’ez ‘et hukw’ut lhook hulhgi. ‘Et zeh hudelhts’i, ndan lhook ka’uhut’en t’eh. Khi t’eh ‘et koo nts’e duchun lhai ‘et ninahuwhu’aih, duchun hudutughih ‘et whunawhulna ‘et duwa. Khi totsuk ‘udooh koo ninahawhu’aih.

‘Uka’uhut’en ‘en ‘ink’ez lhehuwule ’en · Whudzih nts’ez’a bene’ts’ut’en · Dant’i huyuyi · But ghahughuna ‘ink’ez nts’ez’a ‘uts’un huyit’i · Naih · Ts’udelhts’i bakoo · Huyene’ut’en ‘ink’ez hiye’ uka’ut’en