Home · Survival · Neyunk'ut hanuyeh lamuk· ‘Ut’an Chun

Neyunk'ut hanuyeh lamuk

Click on a category to find out how the Carrier People used:
Duchun · Lat'ooz · ‘Ut’an Chun · Mai · Hanuyeh

‘Ut’an Chun

Datsan ‘algut: Datsan ‘algut, ‘i bumai bulh nduntalhmulh ‘ink’ez ndan T.B hit’i ’en huyudnai. But’an chun ‘ink’ez mai bulh hindunulhmulh ‘ink’ez ludi k’u’a tandnai, ‘i kwus ts’ulih ‘ink’ez nyuluzk’et whunduda chah ba oodzi. Ndi datsan ‘algut lhat whe ‘ts’un’a bene’ts’ut’en inle, njan soo ‘udechoo nyukoo ndanina datsan ‘algut be too be’ootanlih. Dune chah datsan ‘algut lhut huyunududelh ‘i ‘utsun’a dzoh neninzut hubuki ‘un hubutezno k’uz nyudzi nduda teh ‘et datsan ‘algut lhut nudutanya.

Luwus t’an Chun: Luwus t’anchun ‘i nyuchan naowtelhdzooh. Luwus t’anchun ‘i dutantsut ‘ink’ez ludi k’u’a tandnai, sa yaz nduntalhmulh. Luwus chun lat’ooz ‘i nyukak whulhtih ‘ink’ez but’an ‘i hoolht’o nyulht’oh teh but’an bukaduta’alh. Luwus ’i bumai ndunulk’un ‘i yants’undunanih ‘ink’ez ts’unilhyih, too bulh soogah butatsudulih, ‘ink’ez ‘i bat’en ts’ilh’i ‘ink’ez ts’udlak.

Click on a category to find out how the Carrier People used:
Duchun · Lat'ooz · ‘Ut’an Chun · Mai · Hanuyeh