Home · Survival · Neyunk'ut hanuyeh lamuk · 
Duchun
Neyunk'ut hanuyeh lamuk
Click on a category to find out how the Carrier People used:
· Lat'ooz · ‘Ut’an Chun · Mai ·
Duchun
Chundoo dzeh: Ndi duchun 'i Chundoo huyulhni. Chundoo ghih 'i ahoolhyez ts'ududzo 'ink'ez ts'uyi, dube neba bat'en. Be 'uts'ududzo beh duchun lat'ooz 'oonyuk duchun k'ut 'i ts'ududzo 'ink'ez ts'uyi, 'ink'ez kwus ts'ulih chah ba'oodzi. Chundoo dzeh 'i ts'udu'alh k'us nats'ulhgheh 'ink'ez ka kazdu'aih. Chundoo dzeh susghe bulh lhtahuyutloh 'ink'ez nahuyulhgheh 'ink'ez nk'atchah nezulyaz 'et 'uschul k'eintle 'ink'ez 'et ka kaduta'alh. Chundoo dzeh 'i chah 'ilhunah teh hubukechun nduda k'us hubukechun lhk'ulkut teh k’us hubut’ak whunduda 'et nduhoont'oh teh ba'oodzi. Chundoo dzeh natalhgheh 'ink'ez ‘usch’ulcho sih k'etantloh 'ink'ez nts'e whunduda 'et kaduta'alh.
K’i: K'i chun bughih 'i nelhdakelh kwus ts'ulih, 'ink'ez netsi nduda chah nduhoont'oh teh bene'ts'ut'en inle. K'i lat'ooz soo duchun k'ut 'i hahuyuzoh 'ink'ez hindunulhmulh 'ink'ez tsunts'alhyaz 'lhuk’i zeh satadukalh (gwa lhai). K'i lat'ooz 'i tilh be 'uts'ulh'ih, tilh 'i mai be ts'oonuye inle, 'ink'ez 'oonus 'uda da, tse hiyendunudzih 'ink'ez hiyebutghaghuna inle. Ndi k'i duchun 'i ts'i chah huyulhtsih inle. K'i chun lat'ooz dustl’us be 'int'oh ‘i be kwun nahudilhk'aih 'inle. K'i lat'ooz 'i 'ilhunah teh bukechun lhk'ulkuk hikaidutih 'inle. Bulat'ooz duchun k'ut hatalht'us 'ink'ez hubukechun lhk'untuk bukaidutantilh, 'ink'ez be kwun duta'alh, 'et dube tse k'u'a duts'un ulih.
Tsitel: Tsitel 'i ts'i huyulhtsih inle. Sa 'uhut'i ndi ts'i huyulhtsih, duchun huyehaowdutsulh 'ink'ez 'et bet whuz'ai hulih. Nelhdakelh 'aow wunichahunizut ‘ants’ih nts'oh huyenininki 'et 'aow'et nahuyulht'oh, sdabe ndaz dalhti nuhuyooghe.
Ts’oochun latoh: Ts'oochun latoh nez'ai 'i nzesdak whunduda 'et ba oodzi. Ts'oochun latoh oontanye 'ink'ez santant'alh 'ink'ez ntalht'ok ‘inkez nduntalhmulh, ludi k'u'a tandnai.
K’entsi: K’idlih dulk'un dutanzo 'ink'ez nduntalhmulh 'ink'ez ts'ughes ba oodzi k'us 'ants'ih dant'i nyuzuz dant'ohyaz 'int'oh chah ba oodzi. K'entsi dutanghus 'ink'ez dutanlez, 'ink'ez be nutanbe, tulch'us 'ink'ez k'aza duchun cha huyulhtsih inle.
Click on a category to find out how the Carrier People used:
· Lat'ooz · ‘Ut’an Chun · Mai ·
